ლა ლიგის 26-ე ტურში საქართველოს ნაკრების მეკარის, გიორგი მამარდაშვილის „ვალენსია“ სტუმრად „ოსასუნას“ დაუპირისპირდა.
შეხვედრა ფრედ, 3:3, დასრულდა.
სამ გაშვებულს გოლს ესპანურ მედიაში „ვალენსიას“ უკანა ხაზის, მათ შორის ქართველი მეკარის, კრიტიკა მოჰყვა.
„სასწაული მეკარიდან გადაიქცა მეკარედ, რომლისგან ერთი მოგერიებაც სასწაულია, „ლივერპულში“ შეიძლება თმები აიჩეჩონ. პირველ გოლში მეტის გაკეთება შეეძლო, მეორე გოლში ასხლეტამ ისე გააკვირვა, თითქოს ბავშვი მეკარე იყოს. თუ გასაკვირი არ იქნება, თუ კორბერანი სეზონის გადამწყვეტ ეტაპზე დიმიტრიევსკის ძირითადი მეკარის სტატუსს მიანიჭებს“, – წერს გამოცემა AS.
აღნიშნულ თემაზე კითხვა დაუსვეს „ვალენსიას“ თავკაცს.
„დაცვაში თამაში ანალიზის საშუალებით უნდა გამოვასწოროთ. რა თქმა უნდა, არ ვარ კმაყოფილი დღეს დაცვაში ჩვენი თამაშით, სამი გოლით, რომელიც გავუშვით, გუნდი დავალებას ვერ ასრულებდა, თუმცა, არ მიყვარს ინდივიდუალურად ფეხბურთელების თამაშის შეფასება, ამას თითოეულ ფეხბურთელთან პირადად ვაკეთებ. გუნდური მუშაობით ვაკომპენსირებთ თუ ვინმე ინდივიდუალურად დაბალი დონის თამაშს ატარებს“, – თქვა კორბერანმა.
გიორგი მამარდაშვილი ზაფხულში „ლივერპულს“ უნდა შეუერთდეს.