ასტროლოგები მიმდინარე კვირისთვის ასახელებენ, რომელი დღეები იქნება ყველაზე იღბლიანი, როდისაა ემოციური არასტაბილურობა მოსალოდნელი და რომელ დღეებში ჯობს, შედარებით ფრთხილად ვიყოთ:
3 მარტი
ამ დღეს განვითარებისა და ზრდის განსაკუთრებული შესაძლებლობა მოაქვს. შესაძლოა, საბოლოოდ მიიღოთ კონკრეტული გადაწყვეტილება და ცხოვრების ახალ ეტაპზე გადახვიდეთ ან განვითარებულმა მოვლენებმა ცვლილებების წინაშე დაუგეგმავად დაგაყენოთ. ნებისმიერ შემთხვევაში, ამ დღეს გაქვთ შანსი, წარსულს დაემშვიდობოთ და სამომავლო მიზნებსა და გეგმებზე იფიქროთ.
4 მარტი
შესაძლოა, ემოციური არასტაბილურობა იგრძნოთ და მოვლენები არასწორად შეაფასოთ. სხვების ნათქვამი არასწორად გაიგოთ ან მანიპულაციის მსხვერპლი გახდეთ. ამიტომ, სპონტანურ გადაწყვეტილებებს განსაკუთრებით მოერიდეთ. ეს დღე თქვენი მხრიდან რაციონალურობას უფრო მოითხოვს.
5 მარტი
ამ დღეს შესაძლოა, ფინანსურმა საკითხებმა თავი შეგახსენოთ და რესურსების ნაკლებობა იგრძნოთ. ზედმეტ, არასაჭირო ხარჯებს მოერიდეთ და საკუთარ ბიუჯეტს გადახედეთ. ფოკუსირდით მხოლოდ იმაზე, რაც რეალურად გჭირდებათ. ამ გზით ფინანსურ პრობლემებს თავიდან აირიდებთ.
6 მარტი
კომუნიკაცია შესაძლოა, განსაკუთრებით გაგვიჭირდეს. ინფორმაცია დამახინჯებულად, არასწორი კუთხით მივიღოთ და ამან კონფლიქტებამდეც კი მიგვიყვანოს. ამიტომ, ასტროლოგები გვირჩევენ, რომ თუკი ამ დღეს მნიშვნელოვანი საუბარი, მოლაპარაკებები გვაქვს დაგეგმილი, ცოტახნით გადავდოთ.
7 მარტი
ამ დღეს თითოეულ ადამიანს შეუძლია, საკუთარი თავი, შესაძლებლობები სრულად წარმოაჩინოს. ლიდერული თვისებების გამოსავლენად შესანიშნავი დროა. ამიტომ, გამოიყენეთ ეს დღე იმისათვის, რომ თქვენთვის მნიშვნელოვანი საქმეები წამოიწყოთ და კონკრეტული გადაწყვეტილებები მიიღოთ. თუმცა, მთავარია, გაცნობიერებულად იმოქმედოთ და საკუთარ შესაძლებლობებს არ გადააჭარბოთ.
8 მარტი
ეს დღე შესაძლოა, შედარებით რთული აღმოჩნდეს და ყველაფერი, რაც დაგეგმეთ, ისე არ განხორციელდეს, როგორც გინდოდათ. გამოიჩინეთ მოთმინება, მიიღეთ გამოწვევები, როგორც გამოცდილება და ეს იმედგაცრუების გადალახვაში დაგეხმარებათ.
9 მარტი
ამ დღეს თქვენი შრომის, თავდადებისა და ერთგულების შედეგს სრულად დაინახავთ და მიიღებთ იმას, რასაც დიდი ხანია, ელოდებით. სასიამოვნო სიახლეები ნამდვილად დადებით განწყობას შეგიქმნით და სამომავლო წარმატებებისთვის დიდ მოტივაციასაც მოგცემთ.
წყარო: ბომონდი
