პროევროპული აქციების მონაწილე, პედაგოგი სოფო როინიშვილი კიდევ ერთი საჯარო სკოლიდან გაათავისუფლეს.
ამჯერად მუსიკის პედაგოგს გუმათის საჯარო სკოლა დაატოვებინეს.
24 თებერვალს სოფო როინიშვილი მეექვსე საჯარო სკოლიდანაც გაათავისუფლეს.
მასწავლებელი მის გათავისუფლებას უწყვეტ პროტესტში მონაწილეობას უკავშირებს.
“უკვე მეორე სამსახურდანაც- ნახვამდისო…მეტი დამაჯერებლობისა და მრავალფეროვნებისათვის, ამჯერად ჩაცუცქული მამების განცხადების საფუძველზე. დირექტორს აშანტაჟებდნენ ბავშვების სკოლიდან გაყვანით. კაი ბიჭებმა გადაწყვიტეს ჩემი დღის წესრიგისა და ცხოვრების გაკონტროლება.
რა საცოდავები ხართ თუ ხვდებით, ვინც ამ რეჟიმს ემონებით?! მე, ორი შვილის დედა, რომელიც ორივე სამსახურიდან გამიშვით ისე, რომ საკუთარ სინდისთან წინააღმდეგობაშიც არ მოსულხართ… ვერ წამაქცევთ! ბოლომდე შეგაკვდებით!
ძირს რუსი ბიძინა!ოლიგარქიას!” – წერს სოციალურ ქსელში სოფო როინიშვილი.