რომის პაპმა ფრანცისკემ, საავადმყოფოდან აუდიო შეტყობინება გამოაქვეყნა, სადაც მადლობა გადაუხადა მხარდამჭერებს მთელი მსოფლიოს მასშტაბით. ინფორმაციას BBC ავრცელებს.
“მთელი გულით მადლობას გიხდით, ლოცვისთვის, რომელსაც ჩემთვის წმინდა პეტრეს მოედნიდან აღავლენთ. მე თქვენთან ერთად ვარ. ღმერთმა დაგლოცოთ და დაგიცვათ ღვთისსმშობელმა”, – ამბობს პაპი ფრანცისკე.
14 თებერვალს, პაპის ჰოსპიტალიზაციის შემდეგ, ეს პირველი შემთხვევა იყო, როდესაც მისი ხმა პუბლიკამ მოისმინა.
რომის Gemelli Hospital-ში ჩაწერილი ორ წინადადებიანი ხმოვანი შეტყობინება, პაპისთვის ღამის ლოცვის დროს, ვატიკანში, წმინდა პეტრეს მოედანზე გააჟღერეს.
88 წლის რომის პაპი ფრანცისკე 14 თებერვალს, ბრონქიტის სამკურნალოდ გადაიყვანეს საავადმყოფოში. კლინიკაში მას ორმაგი პნევმონის დიაგნოზი დაუსვეს.