“სიმტკიცის ასი დღე” – ქუთაისში პროტესტის დაწყებიდან მეასე დღე ამ ბანერით აღნიშნეს.
მოქალაქეეები კვლავ მერიის წინ შეიკრიბნენ და ქვეყანაში შექმნილი მდგომარეობა გააპროტესტს.
ევროპული მომავლის მცველების მოთხოვნები უცვლელია. ისინი ახალ არჩევნებს და აქციების დროს დაკავებულთა გათავისუფლებას მოითხოვენ.
აქციის მონაწილეებმა, ქუთაისის ქუჩებში საპროტესტო აქცია-მსვლელობაც მოაწყვეს. პროტესტის მონაწილეები მოქალაქეებს აქციაზე შეერთებისკენ მოუწოდე ბდნენ.
“ძალაუფლება ხალხს”, “დამხობა ოლიგარქიას”, “არ იქნება სამართალი, არ იქნება მშვიდობა” – სკანდირებდნენ აქციის მონაწილეები.
საქართველოში უწყვეტი საპროტესტო აქციები 2024 წლის 28 ნოემბრიდან მას შემდეგ დაიწყო, რაც “ქართული ოცნების” პრემიერმა ირაკლი კობახიძემ განაცხადა, რომ 2028 წლის ბოლომდე დღის წესრიგში არ დააყენებენ ევროკავშირთან წევრობაზე მოლაპარაკების გახსნის საკითხს, ასევე 2028 წლის ბოლომდე უარს იტყვიან ევროკავშირის საბიუჯეტო გრანტებზე. აქციების დასაწყისში დემონსტრანტების დასაშლელად პოლიცია იყენებდა წყლის ჭავლს და ცრემლსადენ გაზს. დააკავეს ასობით ადამიანი, მათ შორის, 50-ზე მეტი პირის მიმართ სისხლის სამართლებრივი დევნა დაიწყო.