სოციალურ ქსელში ფეისბუქ ჯგუფი “შენი სიცოცხლის გადასარჩენად” წერს , რომ მცხეთის რაიონული სამსახურის ახალგორის ფილიალის მე-2 ბრიგადამ გამოძახება ლოზუნგით-მშობიარობა მიიღო. ტრანსპორტირებისას დაიბადა გოგონა წონით 3 კილოგრამი და 300 გრამი.
ექიმი თამარ ოსეფაიშვილი: “ნებისმიერი გამოძახება უდიდესი პასუხისმგებლობაა, მაგრამ ყველაზე მეტად საპასუხისმგებლო ახალ სიცოცხლესთან შეხვედრაა“
მცხეთის რაიონული სამსახურის ახალგორის ფილიალის მე-2 ბრიგადამ გამოძახება ლოზუნგით-მშობიარობა მიიღო. როგორც ექიმი თამარ ოსეფაიშვილი იხსენებს ბრიგადა გამოძახებიდან 3 წუთში ადგილზე იყო.
თამარ ოსეფაიშვილი: „ზუსტად სამ წუთში გამოძახების ადგილას ვიყავით. ახალგაზრდა ქალი მერვე ბავშვზე იყო ორსულად და ადგილზე მისულ ბრიგადას ეზოს გარეთ დაგვხვდა. ნებისმიერი გამოძახება უდიდესი პასუხისმგებლობაა, მაგრამ ყველაზე მეტად საპასუხისმგებლო ახალ სიცოცხლესთან შეხვედრაა“
როგორც პაციენტმა ბრიგადის წევრებს უთხრა,მას უკვე დაწყებული ჰქონდა მოვლითი ტკივილები. ჰოსპიტალიზაციის დაწყებიდან ზუსტად 5 წუთში ორსულს ტკივილი გაუძლიერდა და სამშობიაროში ტრანსპორტირებისას დაიბადა გოგონა წონით 3 კილოგრამი და 300 გრამი.
თამარ ოსეფაიშვილის თქმით, ბრიგადის ექთანი თამარ ბალხამიშვილი წლების განმავლობაში მეან-გინეკოლოგიის განყოფილებაში ბებიაქალად მუშაობდა და მისი სამუშაო გამოცდილება მოცემულ მომენტში ძალიან გამოადგათ.
ბრიგადის ექიმებისა და მძღოლის პროფესიონალიზმის დამსახურებით დედაც და ახალშობილიც თბილისის ერთ-ერთ სამშობიაროში იქნა შეყვანილი. – წერია გავრცელებულ ინფორმაციაში.