“თავისუფლება მზია ამაღლობელს” – ქართული ჟურნალისტიკის დღეს, მედიის წარმომადგენლები, ქუთაისში აქციას გამართავენ

“თავისუფლება მზია ამაღლობელს”, -ამ დევიზით ხვალ, ქართული ჟურნალისტიკის დღეს, ქუთაისში აქცია გაიმართება.

მედიის წარმომადგენლები 20:00 საათზე, ქუთაისის მერიის წინ შეიკრიბებიან. ისინი გამოცემა „ბათუმელებისა“ და “ნეტგაზეთის” დამფუძნებლს მზია ამაღლობელს სოლიდარობას გამოუცხადებენ.

ბათუმის საქალაქო სასამართლომ, 18 მარტს,  მზია ამაღლობელი ადმინისტრაციულ სამართალდამრღვევად ცნო და 2000 ლარის ოდენობით ადმინისტრაციული სახდელი დააკისრა.

მზია ამაღლობელი, ბათუმში, პოლიციის მთავარ სამმართველოსთან 11 იანვარს აქციის დროს თავდაპირველად ადმინისტრაციული წესით, დააკავეს, დაახლოებით ორ საათში გამოუშვეს. გათავისუფლებიდან რამდენიმე წუთში კი, ის სამმართველოსთან კვლავ დააკავეს სისხლის სამართლის წესით.