ირანში, ისპაჰანის პროვინციის ქალაქ ნატანცში ძლიერი მიწისძვრა იყო. ბიძგების სიმძლავრემ 5 მაგნიტუდა შეადგინა. ინფორმაციას თურქული მედია ავრცელებს.
თეირანის უნივერსიტეტის სეისმოლოგიური ცენტრის ცნობით, 5.0 მაგნიტუდის მიწისძვრა, ადგილობრივი დროით 10:23 საათზე, 10 კილომეტრის სიღრმეზე დაფიქსირდა.
მედიის ცნობით, მიწისძვრის შედეგად დაშავებულების ან დაღუპულების შესახებ ინფორმაცია ჯერჯერობით არ გავრცელებულა.