სომხეთის ნაკრების მთავარმა მწვრთნელმა ჯონ ვან სხიპმა საქართველოსთან „დინამო არენაზე“ გამართული ერთა ლიგის საპასუხო მატჩი (1:6) პრესკონფერენციაზე შეაფასა.
„დღევანდელ და წინა მატჩში ცუდი შედეგებისა და თამაშის გამო ბოდიშს ვიხდი სომხეთის ნაკრების გულშემატკივრებისა და ხალხის წინაშე. მაგრამ ისიც კარგად მესმის, რომ ჩემი ბოდიშით არაფერი შეიცვლება.
როდესაც „აიაქსში“ დავინიშნე, მიქაუტაძე ცუდ ფორმაში იყო, კლუბსაც ფინანსურად არ ულხინდა და როდესაც მისი გაყიდვის საშუალება გაჩნდა, გაუშვეს. მე გიორგისთან პრობლემა არასოდეს მქონია, საბოლოოდ კი ვფიქრობ, მისი გადასვლა ყველასთვის სწორი გადაწყვეტილება იყო.
როდესაც 4:0-ს ვაგებდი, ნახევარი საათის შემდეგ, მთელი გუნდის შეცვლაც შემეძლო. გადავწყვიტე, რომ ცვლილებები ნახევარდაცვაში იყო საჭირო, რომ შუა ხაზი უფრო მობილიზებული გამხდარიყო. ამ ცვლილებების შემდეგ უკეთ ავთამაშდით და მხოლოდ 2 გოლი გავუშვით. მაგრამ ამ შედეგიდან გამომდინარე კარგ თამაშზე საუბარი მაინც უსიამოვნოა.
რაც შეეეხება თანამშრომლობის გაგრძელებას, ორივე თამაშს გავარჩევთ და გავაანალიზებთ. აუცილებლად დაველაპარაკები სომხეთის ფეხბურთის ფედერაციის ხელმძღვანელებს და მერე გადაწყდება, რა მოხდება“.