საუდის არაბეთის დედაქალაქ ერ-რიადში რუსეთისა და აშშ-ის დელეგაციებს შორის შეხვედრა დაიწყო, – ინფორმაციას რუსული მედია Al Arabiya-ზე დაყრდნობით ავრცელებს.
მათივე ინფორმაციით, შეხვედრა დახურულ ფორმატში იმართება. საუდის არაბეთის სახელმწიფო უსაფრთხოების სამსახურმა ჟურნალისტებს სასტუმრო Ritz-Carlton-ის დატოვება სთხოვა.
რუსეთს მოლაპარაკებებზე წარმოადგენენ ფედერაციის საბჭოს საერთაშორისო კომიტეტის ხელმძღვანელი, გრიგორი კარასინი და უსაფრთხოების ფედერალური სამსახურის დირექტორის მრჩეველი, სერგეი ბესედა.
Reuters-ი ინფორმირებულ წყაროზე დაყრდნობით იუწყება, რომ ამერიკულ მხარეს ხელმძღვანელობენ თეთრი სახლის ეროვნული უსაფრთხოების საბჭოს უფროსი დირექტორი, ენდრიუ პიკი და სახელმწიფო დეპარტამენტის მაღალჩინოსანი, მაიკლ ანტონი.
თეთრ სახლში აცხადებენ, რომ მოლაპარაკებების მიზანი შავ ზღვაში საზღვაო ცეცხლის შეწყვეტის მიღწევაა.
შეგახსენებთ, აშშ-ის დელეგაცია გუშინ ერ-რიადში უკრაინის დელეგაციას შეხვდა.