გარდაიცვალა ღვაწლმოსილი ქუთაისელი მეცნიერი

გარდაიცვალა ღვაწლმოსილი ქუთაისელი მეცნიერი ვენერა კუჭუხიძე – სამწუხარო ინფორმაციას აკაკი წერეთლის სახელმწიფო უნივერსიტეტი ავრცელებს.

“აკაკი წერეთლის სახელმწიფო უნივერსიტეტი მწუხარებას გამოთქვამს ღვაწლმოსილი თანამშრომლის, ღირსების ორდენის კავალერის ვენერა კუჭუხიძის გარდაცვალების გამო.
იგი დაუღალავად უზიარებდა ცოდნასა და გამოცდილებას სტუდენტებსა და კოლეგებს, რითაც ხელი შეუწყო ახალი თაობის აღზრდას. ათეული წლების მანძილზე ემსახურებოდა საინჟინრო-ტექნოლოგიურ სფეროსა და უნივერსიტეტს.
სამძიმარს ვუცხადებთ ოჯახსა და კოლეგებს!” – ნათქვამია გავრცლეებულ ინფორმაციაში.

ვენერა კუჭუხიძემ 2019 წელს “მეგა ტვ”-თან ისაუბრა თავისი საქმინობისა და ცხოვრების შესახებ.

ვენერა კუჭუხიძემ დაამთავრა საქართველოს პოლიტექნიკური ინსტიტუტის მსუბუქი მრეწველობის ფაკულტეტი 1975 წელს და მოსკოვის მსუბუქი მრეწველობის ცენტრალური მართვის ტექნიკური პროგრესის უნივერსიტეტის ეკონომიკის ფაკულტეტი (დაუსწრებლად) 1969 წელს.

1957-1971წწ. მუშაობდა ქუთაისის მაუდის კომბინატში მწუნდებლად, სართავი საამქროს ცვლის უფროსად, საამქროს უფროსად და ნედლეულის ხარისხის უფროს ინჟინრად. 1971 წელს მან საქართველოს პოლიტექნიკური ინსტიტუტის ქუთაისის  ფილიალში ბოჭკოვან მასალათა ტექნოლოგიის კათედრაზე, იყო ასისტენტი, უფროსი მასწავლებელი და 1978 წლიდან კურატორთა  საბჭოს თავმჯდომარე. 1980-2005წწ. მუშაობდა ინსტიტუტის პროფკავშირის თავმჯდომარის თანამდებობაზე. წლების განმავლობაში მუშაობდა “ქსოვისა და გამომყვანი წარმოების” კათედრის გამგის მოადგილეს, დეკანის მოადგილედ სასწავლო-აღმზრდელობით დარგში. 1998 წელს მას მიენიჭა დოცენტის წოდება საფეიქრო ნაწარმის ტექნოლოგიის სპეციალობით. ამავე წელს ის დაინიშნა ინსტიტუტის კვლევითი ცენტრის უფროსად. ვ. კუჭუხიძე  არის ორი გამოგონებისა და 40 სამეცნიერო შრომის ავტორი. ინჟინერ-ფეიქარი.