“ქალი ძირს დაეცა…“ – რას ჰყვება თვითმხილველი რუსთავში მომხდარ ავტოსაგზაო შემთხვევაზე

რუსთავში, შარტავას გამზირზე ავტოსაგზაო შემთხვევა მოხდა. ინფორმაციას „ინფო რუსთავი“ ავრცელებს.

როგორც თვითმხილველი სააგენტოსთან ჰყვება, 50 წლამდე ქალი ზებრა გადასასვლელზე გადადიოდა, რა დროსაც მსუბუქი ავტომობილი დაეჯახა.

„ქალბატონი გადმოდიოდა და მანქანა დაეჯახა. მერე გავიგონე დაჯახების საშინელი ხმა, ქალი დაეცა… გონზე იყო სასწრაფო რომ მოვიდა…“, – ამბობს თვითმხილველი სააგენტოსთან.

დაშავებული ქალი სასწრაფო დახმარების ეკიპაჟმა კლინიკა „რუსთავში“ გადაიყვანა. ექიმების შეფასებით, მისი მდგომარეობა სტაბილურია.

შემთხვევის ადგილზე მობილიზებული იყო საპატრულო პოლიციის რამდენიმე ეკიპაჟი.

მომხდარზე გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.