ვარძიის მიმდებარედ მტკვარში რუსი ტურისტი დაიხრჩო, – ამის შესახებ ინფორმაციას ადგილობრივი მედია ავრცელებს.
„სამხრეთის კარიბჭეს“ ინფორმაციით, მამაკაცი მდინარეში ნავით შევიდა და გამოსვლა ვეღარ შეძლო. მაშველები მას 29 აპრილის საღამოს შემდეგ ეძებდნენ. გარდაცვლილი ტურისტი დღეს დილით მდინარეში იპოვეს.
ადგილობრივი, ამბობს, რომ გარდაცვლილი ტურისტი დღეს, 30 აპრილს იპოვეს.
„ბაიდარით მოძრაობდა, ქვას შეეჯახა და გონება დაკარგაო როგორც უთქვამთ. მაშველებმა ნახეს და გარდაცვლილი ამოიყვანეს“,- ამბობს „სამხრეთის კარიბჭესთან“ კიდევ ერთი ადგილობრივი.
