ხაშურის მუნიციპალიტეტის სოფელ საჯვარეში ცეცხლსასროლი იარაღით სამი ადამიანი დაჭრეს. “მოზაიკას” ინფორმაციით, მხარეებს შორის შელაპარაკება ძველი კონფლიქტის გამო მოხდა.
“სამივე მათგანს აღენიშნებოდა მსუბუქი დაზიანებები”, – უთხრეს “მოზაიკას”. დაზარალებულები ხაშურის საავადმყოფოში გადაიყვანეს. არც ერთი მათგანის სიცოცხლეს საფრთხე არ ემუქრება. ფაქტზე პოლიციამ ერთი პირი დააკავა. შსს-ს ცნობით, გამოძიება სსკ-ს 117-ე და 236 მუხლებით მიმდიანარებს, რაც გულისხმობს ჯანმრთელობის განზრახ მძიმე დაზიანებას და ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვა, ტარება, დამზადება, გადაზიდვა, გადაგზავნა ან გასაღებას.