გორდის მაცხოვრებლები მარტვილის მუნიციპალიტეტში მათი სოფლის საზღვრების მოქცევაზე წუხან . ამის შესახებ სოციალურ ქსელში წერენ, უცვლელად გთავაზობთ მათ პოსტს :
გორდელებო, კინჩხელებო გამოფხიზლდით. მალე შეიძლება მარტვილის მუნიციპალიტეტში აღმოვჩნდეთ. შეიძლება ეს კარგიც იყოს, იქნებ მათ უკეთესად გვიპატრონონ.საქმე ეხება მცოცავ ოკუპაციას.ცოტა ხნის წინ ვაპროტესტებდით ასხის მთის საზღვრის გადმოწევას უღელტეხილის დონეზე. ახლახან გამოქვეყნებული რუქის მიხედვით საზღვარი გადმოწეულია ასხის მთის მისასვლელი ფერდობის ძირამდე.გზა, რომელსაც ხონის მუნიციპალიტეტი აკეთებს მთლიანად მოექცა მარტვილის მუნიციპალიტეტში.არადა ასხის მთის პლატო ძირითადათ დაკავებულია ხონის სოფლების მეჯოგეების კარვებით. ასხის მთის საძოვრები იყო გორდის საბჭოთა მეურნეობის ბალანსზე.დღეს გოლოურზე შეიკრიბა სოფლის ბედიღბლით დაინტერესებული მოსახლეობის ძალიან დიდი ნაწილი. მცირე ნაწილი კი ისევ სამარცხვინოდ თვლემს.მიღებულია გადაწყვეტილება:1. სოფლის წარმომადგენლები ხვალ ეწვევიან ხონის მერიას და მოითხოვენ სრულ ინფორმაციას ამ საკითხთან დაკავშირებით.2. თუ ხონის მერია ვერ გაარკვევს საკითხს, ორ დღეში გაიგზავნოს დელეგაცია თბილისში და მოითხოვოს პასუხები იმ ინსტანციებში, სადაც 3 კვირის წინ გაიგზავნა კოლექტიური განცხადება.3. საკითხების არასათანადო განხილვის შემთხვევაში პირველ ეტაპზე მოეწყოს მიტინგი ხონის მერიასთან. შემდეგ ალბათ ჩვენც მოგვიწევს დედაქალაქს ვეწვიოთ ჩვენი პროტესტით4. ჩვენო სოფლის ინტელიგენციავ, ჩვენო მასწავლებლებო, თქვენ რას ფიქრობთ ამ თემაზე.მგონი ეხლა გვჭირდება ერთად ყოფნა და ამის ვალდებულებაც გაგვაჩნია თორემ შემდეგ გვიანი იქნება…