პოლონეთში მაღაზიის ქურდობის ბრალდებით საქართველოს 2 მოქალაქე დააკავეს. ინფორმაციას ადგილობრივი მედია ავრცელებს.
მედიის ცნობით, ბრალდებულებმა ქალაქ ოპოლეში მდებარე მაღაზიიდან ტექნიკა, საიუველირო ნაკეთობები და საკვები მოიპარეს – ნივთების საერთო ღირებულება 1 600 ევროს შეადგენს.
გარდა ამისა, ცნობილია, რომ ერთ-ერთი ბრალდებული, 48 წლის კაცი პოლონეთში 2024 წელს იმყოფებოდა – მაშინ ის ქვეყნიდან გააძევეს და ტერიტორიაზე შესვლა 7 წლის ვადით აუკრძალეს. საქართველოში დაბრუნების შემდეგ ბრალდებულმა შეცვალა პირადი მონაცემები და ისევ პოლონეთში ჩავიდა.
პოლონური მედიის ცნობით, ორივე დაკავებულს შენგენის ზონაში 10 წლის ვადით აეკრძალა შესვლა.