საქართველოში პირველად, ევროკავშირის დიპლომატს ქვეყანაში შემოსვლაზე უარი უთხრეს. საიმონ ვანდერბრუკი, რომელიც ევროდელეგაციის წევრია, აქვს დიპლომატიური პასპორტი, თბილისის საერთაშორისო აერპორტიდან უკან გააბრუნეს და მიზეზიც კი არ უთხრეს. მესაზღვემ მხოლოდ ის განუმარტა, რომ იგივე რეისით უკან, ბელგიაში უნდა დაბრუნებულიყო.
ინფორმაცია ევროკავშირმა ოფიციალურად დაადასტურა, რის შემდეგადაც საქართველოს საგარეო საქმეთა სამინისტრომ განცხადება გააკეთა თქვა რომ, ევროკავშირის დელეგაციის წევრი, საიმონ ვანდერბრუკის ქვეყანაში ტექნიკური გაუგებრობის გამო არ შემოუშვეს. უწყებაში აცხადებენ:
„ადგილი ჰქონდა ტექნიკურ გაუგებრობას, აღნიშნულზე გვქონდა კომუნიკაცია ევროკავშირის მხარესთან, რის შესახებაც მათ განემარტათ და საკითხი ამოწურულია“.
საქართველოში ევროკავშირის წარმომადგენლობის მიერ გავრცელებული განცხადებაში კი ნათქვამი იყო, რომ აღნიშნულ ფაქტთან დაკავშირებით საქართველოს ხელისუფლებამ „სიტყვიერი ბოდიში მოიხადა სამწუხარო ინციდენტის გამო და დაადასტურა, რომ თანამშრომელს შეუძლია დაბრუნდეს თავის სამუშაო ადგილზე“.
საქართველოში ევროკავშირის წარმომადგენლობაში განაცხადეს, რომ 22 მაისს ევროკავშირის დელეგაციის წევრის ქვეყანაში არშემოშვების გამო, საქართველოს საგარეო საქმეთა სამინისტროს ვერბალური ნოტა გადაეცა.