რეჟიმს არ უნდა, სიმართლე გავიდეს ეთერში – ეს ბრძოლაა ხალხსა და რეჟიმს შორის და აქ მარცხდება ივანიშვილი! – ამის შესახებ „სტრატეგია აღმაშენებლის“ ლიდერი, გიორგი ვაშაძე აცხადებს.
მისი თქმით, ვინც ეხება მედიას, ეხება თავისუფლებას.
„ქართული ოცნება“ პირდაპირ გადადის ომის რეჟიმში ყველას წინააღმდეგ, ვინც არ ემორჩილება ივანიშვილის პირად ინტერესს.
„ტვ პირველი“, „ფორმულა“ და სხვა თავისუფალი მედია არის ის ბარიერი, რაც ივანიშვილს საბოლოო პუტინიზაციაში უშლის ხელს. რეჟიმს არ უნდა, სიმართლე გავიდეს ეთერში.
არ უნდა, გამოძიებული იყოს კორუფცია, ძალადობა, რუსული გავლენა. არ უნდა, ხალხმა თქვას ის, რასაც ფიქრობს, მაგრამ მათ ავიწყდებათ მთავარი, ვინც ეხება მედიას, ეხება თავისუფლებას!
ეს ბრძოლაა ხალხსა და რეჟიმს შორის და აქ მარცხდება ივანიშვილი!“, -აცხადებს გიორგი ვაშაძე.