წყალტუბოში , კოპიტნარის მე-4 სამხ. დევნილთა დასახლებაში მცხოვრებნი საავტომობილო გზის მოწესრიგებას ითხოვენ. როგორც ისინი აცხადებენ წინა საარჩევნოდ არაერთხელ დაპირდა ხელისუფლება ამ პრობლემის მოგვარებას, მაგრამ უშედეგოდ. “დრო გადის, სიტყვები კი ქარს მიჰყვება” – ასე აფასებენ ადგილობრივები ვითარებას.
დაპირებები ჰაერში დარჩა – კოპიტნარის მე-4 სამხ. დევნილთა დასახლებაში გზების დაგება ჯერ კიდევ არ დაწყებულა
წყალტუბოს მუნიციპალიტეტმა კოპიტნარის მე-4 სამხ.( დევნილთა) დასახლებას წლების განმავლობაში არაერთხელ დაჰპირდა ინფრასტრუქტურული პრობლემების მოგვარებას, მათ შორის – გზების დაგებას. განსაკუთრებით აქტიური იყო ეს თემა წინასაარჩევნოდ, როდესაც ადგილობრივი ხელისუფლების წარმომადგენლები საჯაროდ აცხადებდნენ, რომ გზების მოწესრიგება მოსახლეობისთვის ერთ-ერთ პრიორიტეტულ საკითხად მიიჩნეოდა და სამუშაოები “უახლოეს პერიოდში” დაიწყებოდა.
თუმცა, გასული თვეების განმავლობაში არაერთი “ორ კვირაში დავიწყებთ” განცხადების მიუხედავად, დასახლებაში რეალურად არც ერთი სამუშაო არ დაწყებულა.
“დრო გადის, სიტყვები კი ქარს მიჰყვება” – ასე აფასებენ ადგილობრივები ვითარებას. მათი თქმით, დაპირებები მხოლოდ საარჩევნო ხმების მოსაზიდად გაკეთდა, და მას შემდეგ არც პასუხისმგებლობა აუღიათ და არც კონკრეტული გეგმა წარმოუდგენიათ.
მოსახლეობა დღეს უკვე კატეგორიულად მოითხოვს ოფიციალურ დოკუმენტს, სადაც განისაზღვრება გზების სამუშაოების დაწყების კონკრეტული თარიღი და სამუშაოების სრული გეგმა. აგრეთვე რეგულარულ ინფორმირებას ამ პროექტთან დაკავშირებით ნებისმიერ საკითხზე.
“ჩვენ არ ვითხოვთ ფუფუნებას – ჩვენ ვითხოვთ მინიმალურ პირობებს ადამიანურად საცხოვრებლად“.
მერია ვერ ახერხებს წარუდგინოს მოსახლეობას კონკრეტული გეგმა, ან სამუშაოების დაწყების ზუსტი თარიღი და რაც მთავარია – ოფიციალური დოკუმენტი.
მხოლოდ იციან სამუშაოების დაწყების სავარაუდო ვადად განიხილება ივლისის თვე – რაც კიდევ ერთი გაურკვეველი დაპირებაა კონკრეტული ვალდებულების გარეშე და ისევ ჰაერზე ნათქვამი სიტყვაა.
დღეს მთავარი კითხვა ასეთია: დარჩება კიდევ ერთი დაპირება ჰაერში, თუ მერიას ეყოფა ნება და რეალურად დაიწყებს იმაზე მუშაობას, რაც მოქალაქეებს დაპირდეს? – გვწერს კოპიტნარის საინიციატივო ჯგუფის ერთ-ერთი წევრი, ელიტა ჯინჯოლია.
