2025 წლის ივლისი ქალწულის ნიშნის წარმომადგენლებისათვის განსაკუთრებით მნიშვნელოვანი პერიოდი იქნება. ეს თვე არაერთი საინტერესო მოვლენით დაგამახსოვრდეთ თავს, მოგიტანთ წარმატებას და ამავდროულად, მოგიწოდებთ, რომ საკუთარ პრიორიტეტებს კიდევ ერთხელ გადახედოთ.
ქალწულებისათვის ზაფხულის მეორე თვის განმავლობაში გარდამტეხი მომენტი იწყება. ახლა იმ ცვლილებების განხორციელებას დაიწყებთ, რომელთა შესახებაც უკვე დიდი ხანია, ფიქრობთ, მაგრამ აქამდე მოტივაცია არ გყოფნიდათ.
ასტროლოგების მთავარი რჩევაა, რომ ივლისში ცოტახნით აუცილებლად შეისვენოთ და დაფიქრდეთ, როგორ გსურთ ყოველდღიურობის გაგრძელება.
84 წლის შემდეგ პირველად პლანეტა ურანი ქალწულის ჰოროსკოპის მე-10 სახლში შედის. ეს არის სექტორი, რომელიც კარიერაზე, სოციალურ მდგომარეობასა და ცხოვრებისეულ მიზნებზეა პასუხისმგებელი. აღნიშნულ სფეროებში მომდევნო თვის განმავლობაში მნიშვნელოვანი ცვლილებებია მოსალოდნელი.
ივლისში მნიშვნელოვანი გადაწყვეტილებების მიღება მოგიწევთ, რაც სამომავლოდ თქვენს წარმატებასა და ცხოვრების სტილს განსაზღვრავს. საქმიან ურთიერთობებში წარმატებაა მოსალოდნელი. შესაძლოა, შემოსავალი გაგეზარდოთ, დაწინაურდეთ, ახალი საქმე შეისწავლოთ და თვითგანვითარებაზე იზრუნოთ.
ამის პარალელურად, ივლისში აუცილებლად უნდა დაისვენოთ. წინააღმდეგ შემთხვევაში, წარმატების მიღწევა გაგიჭირდებათ, რადგანაც უმოტივაციობა და უენერგიობა შეგაწუხებთ. ყურადღება მიაქციეთ ჯანმრთელობას და სახიფათო ნიშნებს ნუ უგულებელყოფთ.
ეს თვე მოგცემთ შესაძლებლობას, რომ საკუთარ ღირებულებებს კიდევ ერთხელ გადახედოთ. შესაძლოა, იმ საკითხებმა, რომლებზეც ადრე ღელავდით და ძალიან ბევრს ფიქრობდით, აზრი საერთოდ დაკარგოს და მიხვდეთ, რომ არც ისეთი მნიშვნელოვანი იყო. შეგეცვალოთ პრიორიტეტები და სხვადასხვა საკითხისადმი დამოკიდებულება.
ამავე თვის განმავლობაში შეიძლება, საინტერესო ადამიანს შეხვდეთ, მნიშვნელოვანი კონტრაქტი გააფორმოთ, ახალ თავგადასავალში ჩაერთოთ…
ქალწულებისთვის ივლისი გადატვირთვის თვე იქნება. მომავალი წარმატებების საფუძველი სწორედ ახლა იქმნება. მზად იყავით სიახლეებისა და ცვლილებებისათვის და პასუხისმგებლობების აღების ნუ შეგეშინდებათ.