რომელი პროდუქტები გაძვირდა ყველაზე მეტად ივნისში

საქსტატის მონაცემებით, 2025 წლის ივნისში წინა თვესთან შედარებით ინფლაციის დონემ საქართველოში -0.01%, ხოლო წლიური ინფლაციის დონემ 4.0 % შეადგინა.

რაც შეეხება საბაზო ინფლაციას, საქსტატის მიხედვთ, აღნიშნულმა მაჩვენებელმა 2025 წლის ივნისში, გასული წლის შესაბამის პერიოდთან შედარებით 2.4 %, ხოლო თამბაქოს გარეშე წლიური საბაზო ინფლაციის მაჩვენებელი 2.2 %-ით განისაზღვრა.

სტატისტიკის ეროვნული სამსახურის მონაცემებით, ივნისში ყველაზე გაძვირებულ პროდუქტებს შორის ლიდერია ლიმონი, რომლის ფასი წლიურად 101.5%-ით არის მომატებული.

• ლიმონი – 101.5%
• კივი – 50%
• კარტოფილი – 38%
• კომბოსტო – 32%
• ნაყინი – 29%
• მზესუმზირის ზეთი – 28.4%
• კაკაო – 27%
• ტკივილგამაყუჩებელი მედიკამენტები – 25%
• ქორწინების 958 სინჯის ოქროს ბეჭედი – 23.4%
• ქლიავი – 21%