Junior NBA-ს 2025 წლის გათამაშების გამარჯვებული ქუთაისის გუნდი გახდა, რომელიც ოკლაჰომა თანდერის სახელით ასპარეზობდა. ია გოგლიჩიძისა და გიორგი ჩორგოლაშვილის გაწვრთნილმა გუნდმა ფინალურ მატჩში ნიუ იორკ ნიქსის სახელით მოასპარეზე ზაზა ფაჩულიას აკადემიის გუნდი ძალიან დაძაბულ ბრძოლაში – 54:53 დაამარცხა. გამარჯვების ბურთი ოვერტაიმში, საჯარიმოთი ჩავარდა, თუმცა მანამდე, დამატებით დროში ორივე გუნდმა ჯამში 10-ზე მეტი საჯარიმო გააცუდა.
თამაშის მსვლელობა იყო ძალიან საინტერესო და გარდამავალი, თავიდან ქუთაისელები იგებდნენ, შემდეგ ზაზას აკადემია 14 ქულით დაწინაურდა, თუმცა მესამე პერიოდის პირწმინდად მოგებით ქუთაისელებმა ლიდერობა დაიბრუნეს.
საუკეთესო მოთამაშე გახდა ქუთაისელთა ლიდერი, მათე ბარბაქაძე, რომელსაც პრიზი მანუჩარ მაროიშვიმა გადასცა. ბარაქაძემ ჩაიბარა საჩემპიონო თასიც ნიკოლოზ ცქიტიშვილისგან, ხოლო მთელმა გუნდმა სპეციალირად ამერიკიდან გამოგზავნილი საჩემპიონო ბეჭდები მიიღეს.
Jr. NBA საერთაშორისო პროექტია, რომელიც NBA-ისა და საქართველოს კალათბურთის ეროვნული ფედერაციის თანამშრომლობით ტარდება. პროექტის მხარდამჭერები არიან საქართველოს სპორტის სამინისტრო, აშშ-ის საელჩო საქართველოში და ფედერაციის სპონსორები.