ქუთაისი-აბუ დაბის მიმართულებით რეისები უქმდება.
ვიზიარის ოფიციალირ გვერდზე ვკითხულობთ რომ
Wizz Air Abu Dhabi წყვეტს ოპერირებას 1 სექტემბრიდან
,,ძვირფასო მგზავრო,
Wizz Air Holdings-ის სტრატეგიული გადაწყვეტილების საფუძველზე, Wizz Air Abu Dhabi 2025 წლის 1 სექტემბრიდან წყვეტს ოპერირებას. უკანასკნელი რეისი შესრულდება 31 აგვისტოს.
მოხდენილი ცვლილებების გათვალისწინებით, დაზარალებული მგზავრებისთვის ხელმისაწვდომია შემდეგი ვარიანტები:
იმ მგზავრებს, ვისაც გაფრენა 31 აგვისტოს შემდეგ აქვთ დაგეგმილი, თანხა დაუბრუნდებათ 7 დღის განმავლობაში იმავე მეთოდით, როგორითაც მოხდა გადახდა.
იმ მგზავრებს, ვისაც დაბრუნება დაემთხვა შეჩერების შემდეგ პერიოდს, შეეძლებათ აირჩიონ ან უახლოეს თარიღზე გადადებული დაბრუნება ან სრული თანხის დაბრუნება.
ყველა დაზარალებულ მგზავრს დღეს გაეგზავნება შეტყობინება ელ.ფოსტით. გთხოვთ, დააკვირდეთ თქვენს საფოსტო ყუთს და გამოიყენოთ Wizz Air-ის თვითმომსახურების ინსტრუმენტები თქვენი პროფილის მეშვეობით.
ვწუხვართ შექმნილი უხერხულობის გამო და მადლობას გიხდით გაგებისა და თანამშრომლობისთვის.
პატივისცემით,
Wizz Air-ის მომხმარებელთა მომსახურება” – წსრია გავრცელებულ ინფორმაციაში.
ფატქს ეხმაურება ახალგაზრდა გიდების ასოციაციის ხელმძღვანელი ლაშა ბერეკაშვილი და წერს რომ სს არის სერიოზული დარტყმა:
,,ჩვენს ქვეყანაში იმდენი არასასიამოვნო ამბავი ხდება, რომ შესაძლოა ეს თემაც ნაკლებად მნიშვნელოვანად ჩანდეს, თუმცა ქუთაისი-აბუ დაბის რეისების გაუქმება, რომელიც დღეს ოფიციალურად დაადასტურა ვიზეარმა, ტურიზმის სექტორისა და მოგზაურებისთვის სერიოზულ დარტყმას წარმოადგენს და სამწუხაროდ, კარგს არაფერს გვიქადის.
ვინც არ იცით, ეს დაახლოებით არის აბრეშუმის გზის დაკეტვის ტოლფასი ტურიზმში, ჩრდილოეთ და სამხრეთის , დასავლეთისა და აღმოსავლეთის დამაკავშირებელი საჰაერო ლოჯისტიკური ხაზი.” – წერს სოციალურ ქსელში ახალგაზრდა გიდების ასოციაციის ხელმძღვანელი ლაშა ბერეკაშვილი.
როგორც ცნობილია, ვიზეარი ემირატების ბაზარს ტოვებს.