ზესტაფონში, მეორე სვირში სოკოთი ინტოქსიკაციის შედეგად, ოჯახის ოთხი წევრი და მათი მეზობელი საავადმყოფოში გადაიყვანეს.
დაზარალებულის ნინო ტაბატაძის განცხადებით, სოკოს მიღებიდან ნახევარ საათში ჯანმრთელობის მდგომარეობა მკვეთრად გაუარესდა, 112-ში დარეკვა მოასწრო, შემდეგ კი გონება მალევე დაკარგა.
” რაჭაში იყვნენ წასულები, სხვადასხვა სახეობის სოკო მოიტანეს. ჭამიდან ერთ საათში თავი ძალიან ცუდად ვიგრძენი, გაორება მქონდა, კედლებს ვენარცხებოდი. მოვასწარი სასწრაფოში დარეკვა, თუმცა კლინიკაში უკვე უგონო მდგომარეობაში შევედი, აქ შემოსვლის შემდეგ არაფერი მახსოვს. ჩემი მდგომარეობა განსაკუთრებით მძიმე იყო, ხოლო ბავშვების – საშუალო სიმძიმის. მადლობას ვუხდი კლინიკა “ფერო მედს”, ფაქტობრივად, სასიკვდილოდ მოწამლულები გადაგვარჩინეს“, – განაცხადა ტაბატაძემ.
ამ დროისთვის მცირეწლოვნები კლინიკიდან უკვე გაწერეს, სამი ზრდასრული პაციენტის მდგომარეობა სტაბილურია, თუმცა ისინი კვლავ ექიმების დაკვირვების ქვეშ რჩებიან.
ექიმების თქმით, ინტოქსიკაცია სავარაუდოდ, სოკოს არასწორი ამოცნობისა და მოხმარების შედეგად მოხდა.
წყარო: TV არგო
Discussion about this post