გურჯაანი–ბაკურციხის შემოვლით გზაზე ახალგაზრდა მამაკაცის ცხედარი იპოვეს

გურჯაანი–ბაკურციხის შემოვლით გზაზე გარდაცვლილი ახალგაზრდის ვინაობა ცნობილია

ის გურჯაანის მუნიციპალიტეტის სოფელ კარდენახის მკვიდრი, 32 წლის ვალერი მათიაშვილია.

ადგილობრივების ინფორმაციით, მამაკაცი წლებია სოფელში სამეურნეო საქმიანობით იყო დაკავებული.

მათიაშვილი სახლიდან გუშინ, სავარაუდოდ, სავარჯიშოდ გავიდა და აღარ დაბრუნდა.

ოჯახმა მისი კუთვნილი ავტომობილი შემოვლით გზაზე იპოვა, ხოლო მოგვიანებით, მისივე ცხედარიც აღმოაჩინეს.

არსებული ინფორმაციით, მამაკაცს ავტომობილი დაეჯახა და მძღოლი შემთხვევის ადგილიდან მიიმალა.