13 დეკემბერს, 14:00 სთ-ზე, ქუთაისის სახელმწიფო ისტორიულ მუზეუმში იხსნება ,,ევროპის მემკვიდრეობის დღეები 2025’’.
„ევროპის მემკვიდრეობის დღეები“ ევროპულ ღირებულებებზე დაფუძნებული და ყველაზე ფართოდ გავრცელებული კულტურულ ღონისძიებათა ერთობლიობა. ის ევროპის კულტურული კონვენციის, (პარიზი, 1954 წელი), ხელმომწერ 50 ქვეყანაში ყოველწლიურად აღინიშნება.
ქუთაისის სახელმწიფო ისტორიული მუზეუმისათვის დიდი პატივია, რომ უკვე რამოდენიმე წელია ვუერთდებით ევროპის საბჭოსა და ევროკომისიის ერთობლივ ინიციატივას. 2019 წელს, (თემა: ,,ხელოვნება და სანახაობა’’), ევროპის მემკვიდრეობის დღეების ღონისძიებათა ორგანიზებისათვის მუზეუმს ევროპის საბჭომ სამადლობელი წერილი გადასცა.
2025 წლის ევროპის მემკვიდრეობის დღეების თემა გახლავთ:
,,არქიტექტურული მემკვიდრეობა: ფანჯარა წარსულში, კარი მომავლისკენ“.
აღნიშნული თემის ფარგლებში მუზეუმში იხსნება:
დროებითი გამოფენა: „ქუთაისის არქიტექტურული მემკვიდრეობის ნიმუშები’’.
დროებითი გამოფენა- „ძველი ქუთაისი“.
დროებითი გამოფენა – „ქუთაისის ხიდები“.
დროებითი გამოფენა – „ქართულ მინიატურაში გაცოცხლებული არქიტექტურული ნიმუშები (XIV – XVIIIს.)’’.
დროებითი გამოფენა – „უცხოელ მოგზაურთა ჩანახატებში წარმოდგენილი ქართული არქიტექტურის ნიმუშები “( დიუბუა, კასტელი..).
არქეოლოგიური გათხრების იმიტაცია მოსწავლეთათვის.
Discussion about this post