სიღნაღის მუნიციპალიტეტის სოფელ ტიბაანში ავტომობილი 4 ქვეითს დაეჯახა – დაიღუპა ახალგაზრდა კაცი, დაშავდა 3 პირი .ინფორმაციას მედია თვითმხილველებზე დაყრდნობით ავრცელებს და წერს, რომ მანქანა მაღალი სიჩქარით გადაადგილდებოდა. დაშავებულები წნორის კლინიკაში სხვადასხვა დაზიანებით გადაიყვანეს
კლინიკის მენეჯერის ინფორმაციით, ერთი მათგანი მკურნალობას თბილისში აგრძელებს, მეორე პაციენტს ქირურგიული ოპერაცია ადგილზე ჩაუტარდა, კიდევ ერთის ჯანმრთელობის მდგომარეობა კი შედარებით მსუბუქია.
როგორც პრაიმ ტაიმი წერს, გავრცელებული ინფორმაციით, მძღოლი არაფხიზელ მდგომარეობაში იმყოფებოდა და შემთხვევის ადგილიდან მიიმალა. სამართალდამცველებმა ის მალევე დააკავეს. შსს-მ გამოძიება სსკ-ის 276-ე მუხლით დაიწყო, რომელიც სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა ან ჯანმრთელობის მძიმე დაზიანება გამოიწვია.
Discussion about this post