ანტალიის აეროპორტში ყოფილმა პოლიციელმა ყოფილი პარტნიორი, საქართველოს მოქალაქე 38 წლის ქალი მოკლა .ინფორმაციას თურქული მედია ავრცელებს და წერს, რომ ორი შვილის დედას, ელინა შენგუნს 51 წლის ჰუსეინ დურმაზი გარკვეული პერიოდის განმავლობაში ემუქრებოდა. მათივე ცნობით, მათ შორის დაპირისპირება მოხდა, შემდეგ კი კაცმა მას ესროლა. მედია წერს, რომ შემთხვევის ადგილას მალევე მივიდნენ პოლიციისა და სასწრაფო დახმარების ჯგუფები, თუმცა ექიმებმა ელინას გადარჩენა ვერ შეძლეს. გავრცელებული ინფორმაციით, ჰუსეინ დურმაზი პოლიციამ შემთხვევის ადგილას დააკავა.
Discussion about this post