რესტორანში ხინკალი 10%-ით გაძვირდა . ინფორმაციას BMG საქსტატის მონაცემებზე დაყრდნობით ავრცელებს და წერს, რომ გაძვირების ტენდენცია აგვისტოშიც გაგრძელდა და რესტორანში სადილის საშუალო ფასი წლიურად 12%-ით გაიზარდა. 2026 წლის აგვისტოში წინა თვესთან შედარებით ინფლაციის დონემ საქართველოში 0.4%, ხოლო წლიური ინფლაციის დონემ 5.6% პროცენტი შეადგინა.
გამოცემა წერს, რომ აგვისტოში რესტორნებში ხინკალი წლიურად 10%-ით გაძვირდა. გასული წლის აგვისტოსთან შედარებით 8%-ით გაძვირდა ხაჭაპური კაფეში, ხოლო საცხობში ხაჭაპურის ღირებულება 10%-ითაა გაზრდილი. 9%-ით გაიზარდა ბარში ლუდის ღირებულება. ასევე გაზრდილია კაფეში ყავის ფასიც და წლიურმა მატებამ 1% შეადგინა.
Discussion about this post