ძლიერი წვიმის შედეგად ხარაგაულის სოფლები დაიტბორა

ძლიერი წვიმის შედეგად ხარაგაულის სოფლები დაიტბორა – მოვარდნილმა წყალმა გზებზე ქვა-ღორღი ჩამოიტანა . ხარაგაულის მუნიციპალიტეტის მერიის ინფორმაციით, სტიქიის გამო სოფლების ცენტრალურ და საუბნო გზებზე გადაადგილება გართულდა. მათივე თქმით, “მუნიციპალიტეტის მიერ დაქირავებული სპეციალური ტექნიკა სოფელ ხიდარში მუშაობს. ძლიერი წვიმის შედეგად გზაზე ჩამოტანილი ქვა-ღორღისა და მიწის მასისგან ცენტრალური გზა უკვე გაიწმინდა და გადაადგილება აღდგენილია. ხიდარში სამუშაოების დასრულების შემდეგ, ტექნიკა სოფელ საქარიქედში გააგრძელებს მუშაობას, სადაც უხვი ნალექის შედეგად ასევე დაზიანდა საგზაო ინფრასტრუქტურა”