ყაბარდო-ბალყარეთში ზვავში მოყოლილი ჯგუფის მე-17 წევრის ცხედარიც იპოვეს – რუსული მედია ინფორმაციას რესპუბლიკის საგანგებო სიტუაციების სამინისტროს წარმომადგენელზე დაყრდნობით ავრცელებს.
სამძებრო-სამაშველო სამუშაოები რომლებიც 6 სექტემბრიდან მიმდინარეობდა, დასრულებულია.
6 სექტემბერს, მიჟირგის მთიდან ზვავი ჩამოწვა და ბეზენგის ხეობაში ფერდობზე 33 მთამსვლელისგან შემდგარი ჯგუფი მოიყოლა. 9 სექტემბრის შუადღისთვის მაშველებმა 14 მთამსვლელის ცხედარი იპოვეს, მომდევნო დღეებში კიდევ ორის, დღეს კი ბოლო, მე-17 ცხედარიც ამოასვენეს.
დამოუკიდებელი რუსულენოვანი გამოცემა Meduza-ს ცნობით, დაღუპულებს შორის არიან რუსეთის ეროვნული გვარდიის წევრები, რომლებიც სამთო- საწვრთნელ ბანაკში იმყოფებოდნენ.
Discussion about this post