ზუგდიდის მუნიციპალიტეტის სოფელ ინგირში, რესტორან “სამეფოს” მიმდებარე ტერიტორიაზე, ადგილობრივებს შორის შელაპარაკება ჩხუბში გადაიზარდა, რა დროსაც ერთ-ერთმა ახალგაზრდამ მეორეს ჭრილობები მიაყენა. დანაშაულის იარაღი დანაა – ინფორმაციას ამის შესახებ ადგილობრივი გამოცემა “ოდიში TV” ავრცელებს. დაჭრილი საავადმყოფოში გადაიყვანეს, სავარაუდო დამნაშავე კი ამავე ინფორმაციით, შემთხვევის ადგილიდან მიიმალა. დააკავეს თუ არა ვინმე, დაზუსტებული ინფორმაცია უცნობია. “მთავარს” შსს-ში დაჭრის ფაქტი დაუდასტურეს. უწყების ცნობით, გამოძიება სსკ-ის 19-108-ე მუხლით დაიწყო, რაც განზრახ მკვლელობის მცდელობას გულისხმობს.
Discussion about this post