წყალდიდობის გამო ბანგკოკი სტიქიური უბედურების ზონად გამოცხადდა . წყალდიდობის შედეგად დატბორილია გზები და საცხოვრებელი სახლები. ზოგიერთ ადგილას ავტომობილები წყალში ჩაიძირა, ადამიანებს კი გადაადგილება წელამდე წყალში უწევდათ. BBC წერს, რომ საგანგებო მდგომარეობაა გამოცხადებული ქალაქის 50-ვე რაიონში. ბანგკოკის გუბერნატორის, ჩადჩარტ სიტიპუნტის განცხადებით, შექმნილი ვითარება „ადამიანების სიცოცხლეს საფრთხეს უქმნის“. მისივე თქმით, ყველაზე მეტად ქალაქის აღმოსავლეთ ნაწილი დაზარალდა. სტიქიით დაზარალებულთათვის დროებითი თავშესაფრები და საველე სამზარეულოები ეწყობა. დაზარალებულებს დროებით საცხოვრებლად სკოლების გამოყენებაც შეეძლებათ.
კვირა, 27 სექტემბერი, 2026
წყალდიდობის გამო ბანგკოკი სტიქიური უბედურების ზონად გამოცხადდა
Discussion about this post