საქართველოში უახლოეს დღეებში ამინდი არაერთგვაროვანი იქნება. 14 ოქტომბერს ქვეყნის უმეტეს ნაწილში შედარებით თბილი ამინდია მოსალოდნელი, თუმცა მომდევნო დღეებში ცალკეულ რეგიონებში ღრუბლიანობა მოიმატებს და შესაძლებელია ხანმოკლე წვიმა და ელჭექი.
გარემოს ეროვნული სააგენტოს პროგნოზის მიხედვით, 14 ოქტომბერს დასავლეთ საქართველოს დაბლობში დღისით ჰაერის ტემპერატურა +25-დან +30 გრადუსამდე მოიმატებს, აღმოსავლეთ საქართველოს ბარში კი +23-დან +28 გრადუსამდე იქნება. მაღალმთიან რაიონებში შედარებით გრილი ამინდია მოსალოდნელი. აღმოსავლეთ საქართველოში ზოგან ძლიერი ქარიც იქროლებს.
15 ოქტომბერს დასავლეთ საქართველოს ზოგიერთ რაიონში ხანმოკლე წვიმა და ელჭექია მოსალოდნელი. ნალექი შესაძლოა აღმოსავლეთ საქართველოს ცალკეულ რაიონებშიც აღინიშნოს.
16 ოქტომბერს ქვეყნის ორივე ნაწილში მოსალოდნელია ღრუბლიანობის მატება და ზოგან ხანმოკლე წვიმა და ელჭექი. ცალკეულ ადგილებში ნალექი შესაძლოა ძლიერი იყოს, ასევე შესაძლებელია ნისლი.
17 ოქტომბერს ამინდი შედარებით დასტაბილურდება და დასავლეთ საქართველოსა და აღმოსავლეთ საქართველოს დაბლობში უმეტესად თბილი ამინდია მოსალოდნელი.
Discussion about this post