მოსკოვი მსოფლიო გაზის ბაზრის ერთ-ერთი მთავარი მოთამაშეა-პუტინი

„მოსკოვი მსოფლიო გაზის ბაზრის ერთ-ერთი მთავარი მოთამაშეა, რუსეთში გვაქვს ანდაზა: „სხვისთვის ორმოს ნუ გათხრი, თორემ თავად ჩავარდები“, სწორედ ეს მოხდა ევროკავშირის ქვეყნებში“ – ამბობს პუტინი გაზის ექსპორტიორი ქვეყნების ფორუმის სამიტის პლენარული სხდომის გახსნაზე სიტყვით გამოსვლისას. მისივე თქმით, მოსკოვი მსოფლიო გაზის ბაზრის ერთ-ერთი მთავარი მოთამაშეა და ბუნებრივი აირის მარაგების მოცულობით რუსეთი მსოფლიოში პირველ ადგილზეა, მოპოვებით კი – მეორეზე

„ჩვენ შევქმენით უნიკალური საწარმოო კომპლექსი, რომელიც გაზის მიწოდების დივერსიფიკაციის, მისი გადამუშავებისა და გაზქიმიური მრეწველობის განვითარების საშუალებას გვაძლევს. ამ მძლავრ რესურსულ, სამეცნიერო და სამრეწველო ბაზას ეროვნული ეკონომიკის ზრდისთვის ვიყენებთ. ამავდროულად, საზღვარგარეთ გაზის პასუხისმგებლიანი მიმწოდებელი და საიმედო, პროგნოზირებადი პარტნიორი ვართ“ -თქვა მან