აშშ-ში ორი ვერტმფრენის შეჯახების შედეგად სამი ადამიანი დაიღუპა . შემთხვევა ორეგონის შტატის ჩრდილო-დასავლეთ ნაწილში, აეროპორტის სიახლოვეს მოხდა. იამჰილის ოლქის შერიფმა განაცხადა, რომ ერთ-ერთ ვერტმფრენში ორი ადამიანი იმყოფებოდა: ფრენის ინსტრუქტორი ტეხასიდან – 22 წლის მედი ასბო და კურსანტი პილოტი გაერთიანებული სამეფოდან, რომლის ვინაობასაც ამ დროისთვის არ ასახელებენ, რადგან ოჯახისთვის მომხდარის შესახებ ჯერ არ უცნობებიათ. შერიფის თქმითვე, დაღუპულია მეორე ვერტმფრენის პილოტიც, 38 წლის ტაილერ სტურდევანტი
რა გახდა შეჯახების მიზეზი, უცნობია. ავიაკატასტროფას ტრანსპორტის უსაფრთხოების ეროვნული საბჭო იძიებს. გამოძიებაში ჩართულია ფედერალური საავიაციო ადმინისტრაციაც
Discussion about this post