პოლონეთში რუსეთის მოქალაქე ჯაშუშობის ბრალდებით დააკავეს . ინფორმაციას უკრაინული მედია ავრცელებს. მათი ცნობით, 55 წლის რუსეთის მოქალაქე მატარებლებსა და რკინიგზის ინფრასტრუქტურას ფოტოსურათებს უღებდა. სამართალდამცავებმა დაკავებულის ელექტრონულ მოწყობილობებზე მსგავსი თემატიკის დიდი რაოდენობით ფაილები აღმოაჩინეს, მათ შორის სხვადასხვა ლოკაციისა და კრიტიკული სატრანსპორტო ობიექტების ფოტომასალა, თანაც არა მხოლოდ პოლონეთის ტერიტორიაზე. გამოცემა წერს, რომ კაცს ბრალი წაუყენეს პოლონეთის წინააღმდეგ უცხოური დაზვერვის სასარგებლოდ მოქმედებაში. პოლიციამ ამოიღო ელექტრონული და ფოტოტექნიკა, მობილური ტელეფონები, ლეპტოპები, დიდი მოცულობის პორტატული და გარე მყარი დისკები, ასევე პირადობის დამადასტურებელი რამდენიმე სხვადასხვა დოკუმენტი.
კვირა, 1 ნოემბერი, 2026
პოლონეთში რუსეთის მოქალაქე ჯაშუშობის ბრალდებით დააკავეს
Discussion about this post