რუსეთის სასამართლომ საქართველოს მოქალაქეს, ლაშა აბუთიძეს, დაუსწრებლად 14-წლიანი პატიმრობა მიუსაჯა -ინფორმაცია რუსეთის საგარეო საქმეთა სამინისტრომ გაავრცელა.
“რუსეთის ფედერაციის საგამოძიებო კომიტეტის მთავარი საგამოძიებო სამმართველოს მიერ შეგროვებული მტკიცებულებების საფუძველზე, სასამართლომ გამამტყუნებელი განაჩენი გამოიტანა საქართველოს მოქალაქე ლაშა აბუთიძის სისხლის სამართლის საქმეზე.
იგი დამნაშავედ იქნა ცნობილი რუსეთის სისხლის სამართლის კოდექსის 359-ე მუხლის მე-3 ნაწილით [შეიარაღებულ კონფლიქტში დაქირავებულად მონაწილეობა.
გამოძიებითა და სასამართლოთი დადგინდა, რომ 2022 წლის მარტში, აბუთიძე უკრაინის ტერიტორიაზე ნებაყოფლობით, დაქირავებული მებრძოლის სტატუსით, „საერთაშორისო ლეგიონის“ შემადგენლობაში შევიდა. მან გაიარა სამხედრო მომზადება და უზრუნველყოფილ იქნა პირადი ცეცხლსასროლი იარაღით, საბრძოლო მასალითა და სამხედრო აღჭურვილობით. ამის შემდეგ, ფულადი ანაზღაურების სანაცვლოდ, ფიგურანტი მონაწილეობდა შეიარაღებულ კონფლიქტში დონეცკის სახალხო რესპუბლიკის ძალოვანი სტრუქტურებისა და რუსეთის შეიარაღებული ძალების სამხედრო მოსამსახურეების წინააღმდეგ.
სასამართლოს განაჩენით, აბუთიძე წარდგენილ დანაშაულში დაუსწრებლად იქნა ცნობილი დამნაშავედ და მას 14 წლით თავისუფლების აღკვეთა მიესაჯა, რაც მკაცრი რეჟიმის გამასწორებელ კოლონიაში უნდა მოიხადოს. იგი გამოცხადებულია საერთაშორისო ძებნაში, ხოლო სასამართლომ მას მიმართ აღკვეთის ღონისძიების სახით პატიმრობა შეუფარდა.“ – აცხადებს რუსეთის საგარეო.
Discussion about this post