ინდოეთში ვერტმფრენის ჩამოვარდნის შედეგად 6 ადამიანი დაიღუპა

ინდოეთში ვერტმფრენის ჩამოვარდნის შედეგად 6 ადამიანი დაიღუპა .ინფორმაციას BBC ოფიციალური პირების განცხადებაზე დაყრდნობით ავრცელებს და წერს, რომ ხომალდი ჰინდუისტური ლოცვის ადგილიდან, ბადრინათიდან აფრინდა, რის შემდეგაც მასთან კავშირი გაწყდა. მათივე ცნობით, კატასტროფის მიზეზი ჯერჯერობით უცნობია, თუმცა რეგიონში ძლიერი წვიმისა და ცუდი ხილვადობის შესახებ იუწყებოდნენ. უტარახანდის მთავარმა მინისტრმა, პუშკარ სინგ დჰამიმ განაცხადა, რომ ვერტმფრენი ჩამოვარდა სოფელთან, რომელიც ჩამოლის ოლქში, ჯოშიმატის მახლობლად მდებარეობს. მოგვიანებით ადგილობრივმა სამოქალაქო ავიაციის სამსახურმა ინდურ მედიას დაუდასტურა, რომ ნაპოვნია ექვსი ცხედარი.