საჯარო სკოლებში, რესურსცენტრებსა და კოლეჯებში სასკოლო ფორმების დასარიგებლად ფართები გამოიყოფა . გადაწყვეტილება მთავრობამ მიიღო. გამოცემა ბიზნესპრესნიუსი წერს, რომ კობახიძის მიერ ხელმოწერილი განკარგულების თანახმად, საჯარო სკოლებს, პროფესიულ კოლეჯებსა და საგანმანათლებლო რესურსცენტრებს უფლება მიეცათ, თავიანთ მფლობელობაში არსებული უძრავი ქონების ნაწილი უსასყიდლოდ, თხოვების ფორმით, 2026 წლის 31 დეკემბრის ჩათვლით გადასცენ შპს „საგანმანათლებლო რესურსებს“.
როგორც დოკუმენტშია ნათქვამი, გამოყოფილი ფართები გამოყენებული იქნება დაწყებითი საფეხურის მოსწავლეთა სასკოლო ფორმების დასაწყობების, რეალიზაციისა და „სკოლის მოსწავლეების ზოგადი განათლების დაწყებით საფეხურზე სასკოლო ფორმის ტანსაცმლით უსასყიდლოდ უზრუნველყოფის მიზნობრივი პროგრამის“ ბენეფიციარებისთვის გადაცემის მიზნით. ასევე, დადგენილებით შპს „საგანმანათლებლო რესურსებს“ უფლება ეძლევა, აღნიშნულ სივრცეებში განათავსოს საინფორმაციო ბანერები და საბანკო გადახდის ტერმინალები.
Discussion about this post