თბილისში, კორპუსის ლიფტში ჩაცხრილული ცოლ-ქმარი ნანა ფირანიშვილი და სოსო სუჯაშვილი არიან. ინფორმაციას Ambebi. ge ავრცელებს და წერს, რომ ისინი სავაჭრო ცენტრ “საბაში” მუშაობდნენ. მათივე ცნობით, გარდაცვლილები ყაზბეგის მუნიციპალიტეტიდან იყვნენ.
გუშინ თბილისში, მტკვრის მარჯვენა სანაპიროზე, გერმანული ჰოსპიტლის მიმდებარედ, ერთ-ერთი კორპუსის ლიფტში 2 პირი ჩაცხრილეს. ისინი ამავე კორპუსის მაცხოვრებლები იყვნენ. ლიფტში ჩაცხრილული მოქალაქეები მეზობელმა იპოვა, რის შემდეგაც პოლიციაში დარეკა.
შსს-მ ცოლ-ქმრის მკვლელობის ფაქტზე ერთი პირი დააკავა. უწყების ცნობით, დანაშაულს წინ უძღოდა ქონებრივ საკითხებთან დაკავშირებული გარემოებები, კერძოდ, ბრალდებულის მიერ ფინანსური ვალდებულებების შეუსრულებლობა.
ფაქტებზე გამოძიება საქართველოს სისხლის სამართლის კოდექსის 109-ე და 236-ე მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.
Discussion about this post