“წასვლაზე დიდად არ ვფიქრობ” – გიორგი მამარდაშვილი

საქართველოს ეროვნული ნაკრების მეკარემ, გიორგი მამარდაშვილმა ერთა ლიგის 2026/27 წლების გათამაშების ბოლო მატჩებთან დაკავშირებით მიხეილ მესხის სახელობის საპრესკონფერენციო დარბაზში ჟურნალისტების კითხვებს უპასუხა.

„ახალ მწვრთნელთან ერთად პირველი სრულფასოვანი შეკრება გვაქვს. ყველაფერი გეგმის მიხედვით მიდის. სვანაძესა და მის სამწვრთნელო შტაბს ვიცნობთ და ვენდობით. ტაქტიკური მომზადებაც კარგად მიმდინარეობს. იმედია, ხვალ ყველა დავალებას შევასრულებთ და წარმატებას მივაღწევთ.

ხომ არ ვაპირებ კლუბის შეცვლას, რადგან ალისონი დარჩენას აპირებს? წასვლაზე დიდად არ ვფიქრობ. მინდა, ყველა მატჩისთვის კარგად მოვემზადო და ოპტიმალურ ფორმაში ვიყო. დანარჩენს დრო გვიჩვენებს.

ფეხბურთელებმა ერთმანეთში ვისაუბრეთ. ჩავარდნა ყველას აქვს, რასაც აღმასვლა მოსდევს. იმედია, ეს ხვალინდელი თამაშიდან დაიწყება. გვჯერა, რომ კვლავ შეგვიძლია ისეთი ფეხბურთის ჩვენება, როგორიც ევროპის ჩემპიონატზე ვითამაშეთ“, – ამბობს მამარდაშვილი.რამაზ სვანაძის გუნდი ნოემბერში ორ შეხვედრას გამართავს. 14 ნოემბერს საქართველოს ნაკრები თბილისში, მიხეილ მესხის სახელობის სტადიონზე, უნგრეთს უმასპინძლებს, ხოლო 17 ნოემბერს უკრაინას სლოვაკეთის ქალაქ კოშიცეში დაუპირისპირდება.