ქუთაისში მეეზოვის პროფესიული დღე აღინიშნა. „წლის მეეზოვის“ წოდება მიენიჭათ: ნათელა ლარიონოვას, ბაჩუკი ჩადუნელს და ტატიანა პერსიანოვას, „წლის საუკეთესო მძღოლი“ ილია ლურსმანიძე, „წლის საუკეთესო ტექნიკური მუშაკი“ კი – თორნიკე ჭიღვარია გახდა. „მეეზოვის დღესთან“ დაკავშირებით, „სპეცსერვისებმა“ სხვადასხვა ნომინაციებში გამარჯვებული თანამშრომლები გამოავლინეს.
ქუთაისის მერის მოვალეობის შემსრულებელმა დავით ერემეიშვილმა, ადგილობრივი ხელისუფლების წარმომადგენლებთან ერთად, პროფესიული დღე ა(ა)იპ „სპეციალური სერვისების“ თანამშრომლებს მიულოცეს.