7 მარტს საქათველოში მიმდინარე მასშტაბური საპროტესტო აქციების მეასე დღეა. “აქ საქართველო იბრძვის” ამ სლოგანით მოქალაქეები ხვალ ქუთაისში მერიის წინ კვლავ შეიკრიბებიან.
“აქ საქართველო იბრძვის იბრძვის გამარჯვებამდე.
7 მარტს უწყვეტი პროტესტის მე-100 დღეა.
100 დღეა თბილისისა და ქუთაისის რუსთაველზე ისმის ქართველი ხალხის მტკიცე საპროტესტო ხმა:
ვითხოვთ ახალ არჩევნებს!
თავისუფლება რეჟიმის ტყვეებს!
ქართველი ხალხის გასამარჯვებლად სიმტკიცე და ერთობა გადამწყვეტი იქნება.
7 მარტს, ჩვეულ ადგილას (მერიის წინ), 18:00 სთ.-დან გელოდებით ყველას
საკუთარი უფლებებისთვის,
სამართლიანობისთვის,
ერთმანეთის სოლიდარობისთვის.” – ნათქვამია გავრცლებულ ინფორმაციაში.
საქართველოში უწყვეტი საპროტესტო აქციები 2024 წლის 28 ნოემბრიდან მას შემდეგ დაიწყო, რაც ირაკლი კობახიძემ განაცხადა, რომ 2028 წლის ბოლომდე დღის წესრიგში არ დააყენებენ ევროკავშირთან წევრობაზე მოლაპარაკების გახსნის საკითხს, ასევე 2028 წლის ბოლომდე უარს იტყვიან ევროკავშირის საბიუჯეტო გრანტებზე. აქციების დასაწყისში დემონსტრანტების დასაშლელად პოლიცია იყენებდა წყლის ჭავლს და ცრემლსადენ გაზს. დააკავეს ასობით ადამიანი, მათ შორის, 50-ზე მეტი პირის მიმართ სისხლის სამართლებრივი დევნა დაიწყო.