დღეს, 8 მარტს, ბათუმში, ვაჟა-ფშაველას ქუჩაზე გაჩერებულ მანქანას ცეცხლი გაუჩნდა. შემთხვევის შედეგად არავინ დაშავებულა.
„გაჩერებული იყო პარკინგზე. მანქანაში არავინ იჯდა. უცებ აფეთქების ხმა გაისმა და ცეცხლი გაუჩნდა. მანქანა თხევად გაზზე მუშაობდა. ცეცხლი მალე ჩააქრეს“ – უთხრა „ბათუმელებს“ თვითმხილველმა.
ადგილზე იმყოფება სახანძრო ეკიპაჟი და საპატრულო პოლიცია.
წყარო: ბათუმლები