“რუსეთი და აშშ ურთიერთობების აღდგენის საწყის ეტაპზე არიან” – დიმიტრი პესკოვი

რუსეთი და შეერთებული შტატები ორმხრივი ურთიერთობების აღდგენის გზის საწყის ეტაპზე არიან, ეს გზა გრძელი იქნება, – ამის შესახებ რუსეთის პრეზიდენტის პრესმდივანმა, დიმიტრი პესკოვმა განაცხადა.

„ჩვენ ორმხრივი ურთიერთობების აღდგენის გზის საწყის ეტაპზე ვართ. წინ საკმაოდ გრძელი და რთული გზაა, მაგრამ ამ მიმართულებით პოლიტიკური ნება ორმა პრეზიდენტმა გამოთქვა“, – განუცხადა პესკოვმა ჟურნალისტებს.

ამასთან, მან აშშ-სა და რუსეთის პრეზიდენტებს შორის კონტაქტების შესახებ დასმულ შეკითხვასაც უპასუხა და განაცხადა, რომ დონალდ ტრამპმა და ვლადიმერ პუტინმა ტრამპის მეორე ვადით გაპრეზიდენტების შემდეგ მხოლოდ ერთხელ ისაუბრეს, მაგრამ ეს საუბარი საკმაოდ კონსტრუქციული იყო იმისთვის, რომ დიალოგი გაგრძელდეს და პრობლემები გადაიჭრას.