მუნიციპალური განვითარების ფონდი 2025 წლის ბოლომდე საერთაშორისო საფინანსო ინსტიტუტების ფინანსური მხარდაჭერით მიმდინარე 38 პროექტის დასრულებას აპირებს. ამის შესახებ აღნიშნულია ფონდის მიერ „ბიზნესპრესნიუსის“ კითხვის საპასუხოდ მიწოდებულ ინფორმაციაში.
38 პროექტიდან 4 იმერეთშია.
პროექტების ფინანსური მხარდამჭერი იყო აზიის განვითარების ბანკი (ADB), ჩრდილოატლანტიკური ქვეყნების გარემოსდაცვითი ფინანსური კორპორაცია (NEFCO) და ევროპის საბჭოს განვითარების ბანკი (CEB) და მსოფლიო ბანკი (WB).
ფონდის ცნობით, დონორების ფინანსური დახმარებით მიმდინარე იმ პროექტების ჯამური ღირებულება, რომლებიც წელს უნდა დასრულდეს, 357 160 726 ლარს შეადგენს, საიდანაც 24 848 706 ლარი იმერეთის პროექტებზე უნდა დაიხარჯოს. რეგიონში განსახორციელებელ პროექტებს მსოფლიო ბანკი აფინანასებს.
გთავაზობთ იმ პროექტების ჩამონათვალს, რომელიც 2025 წელს იმერეთში უნდა დასრულდეს:
- ჭიათურის №7 საჯარო სკოლის რეაბილიტაცია – 8 448 625 ლარი (WB);
- ბაღდათის №1 საჯარო სკოლის რეაბილიტაცია – 3 899 611 ლარი (WB);
- ქუთაისის №28 საჯარო სკოლის რეაბილიტაცია – 2 910 654 ლარი (WB);
- ტყიბულის N1 და თერჯოლის N1 საჯარო სკოლების რეაბილიტაცია – 9 589 816 ლარი (WB);
შენიშვნა: აღნიშნული ინფორმაცია მოიცავს მხოლოდ მუნიციპალური განვითარების ფონდის ეგიდით მიმდინარე პროექტებს.