რუსეთის პრეზიდენტმა, ვლადიმერ პუტინმა გამარჯვების 80 წლის იუბილესთან დაკავშირებით უკრაინაში ცეცხლის შეწყვეტა გამოაცხადა, – ინფორმაციას რუსული მედია კრემლის პრესსამსახურზე დაყრდნობით ავრცელებს.
მათივე ინფორმაციით, ცეცხლის შეწყვეტის რეჟიმი სამი დღით, 8 -10 მაისს იმოქმედებს.
„ამ პერიოდში ყველა სამხედრო ოპერაცია შეწყდება. რუსეთი მიიჩნევს, რომ უკრაინული მხარემ ამ მაგალითს უნდა მიჰყვეს. კიევის მიერ ცეცხლის შეწყვეტის შეთანხმების დარღვევის შემთხვევაში, რუსული ჯარები ადეკვატურ და ეფექტურ რეაგირებას განახორციელებენ“, – აღნიშნულია კრემლის განცხადებაში.