ახალციხეში საცხოვრებელ კორპუსში ორი ადამიანის ცხედარი იპოვეს. არსებული ინფორმაციით, გარდაცვლილია მამაკაცი და ქალი. ადგილობრივები ვარაუდობენ, რომ შემთხვევა სავარაუდოდ გუშინ მოხდა, ცნობილი კი დღეს გახდა.
AMBEBI.GE-ს ინფორმაციით, საქმე ეხება მკვლელობას და თვითმკვლელობას. როგორც ჩვენთვის გახდა ცნობილი, მამაკაცმა ჯერ მისი მეგობარი ქალბატონი მოკლა და შემდეგ თავი მოიკლა.
“არარეგისტრირებულ ქორწინებაში იმყოფებოდნენ, ერთად ცხოვრობენ რამდენიმე წელია. როგორც გავიგეთ კაცმა ჯერ ქალი მოკლა შემდეგ თავი მოიკლა. დამატებით არაფერია ჯერჯერობით ცნობილი” – გვიყვება წყარო.
როგორც შინაგან საქმეთა სამინისტროში გვითხრეს, მომხდარზე გამოძიება სსკ-ის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.
ფოტო შემთხვევის ადგილიდან: სამხრეთის კარიბჭე