პირადობის მოწმობებზე შესაძლოა, მამის სახელისა და ეროვნების აღმნიშვნელი გრაფები დაბრუნდეს – საკანონმდებლო წინადადება

როგორც ელექტრონულ, ასევე არაელექტრონულ პირადობის მოწმობებზე შესაძლოა, მამის სახელისა და ეროვნების აღმნიშვნელი გრაფები დაბრუნდეს.

აღნიშნულის შესახებ პარლამენტს წინადადებით მიმართა მოქალაქე ლელა ქავთარაძემ. პარლამენტის ბიურომ საკანონმდებლო ორგანოს იურიდიულ საკითხთა კომიტეტს აღნიშნული წინადადების განხილვა დაავალა.

პირადობის მოწმობებზე შესაძლოა, ეროვნების აღმნიშვნელი გრაფა დაბრუნდეს

„გთხოვთ, როგორც ელექტრონულ, ასევე არაელექტრონულ მოწმებების მომზადებისას, ასევე სამოქალაქო სააქტო ჩანაწერებში შეიტანოთ ცვლილება და დააბრუნოთ მამის სახელი და ეროვნების განმსაზღვრელი გრაფა – ჩანაწერი, სადაც გარკვევით დაფიქსირებული იქნება ნებისმიერი პირის ეროვნება, როგორც ეს გასულ 1998-2004 წლამდე ფიქსირდებოდა, რათა ჩვენი წარმომავლობის „ქართველობის სამუდამო გაქრობა – გადაგვარება არ მოხდეს“, როგორც ამას ბატონი გურამ შარაძე ბრძანდება“, – წერს მოქალაქე საკანონმდებლო წინადადებაში. ვრცლად;